Hint of Heather Set |
||||||||||||||||
|
|
|||||||||||||||
Prjónað hálsskjól og vettlingar úr DROPS Nord í garðaprjóni og mosaik mynstri.
DROPS 197-17 |
||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. GARÐAPRJÓN (prjónað í hring): *1 umferð slétt og 1 umferð brugðið*, endurtakið frá *-*. ÚTAUKNING/ÚRTAKA (jafnt yfir): Öll útaukning er gerð frá réttu! Til þess að reikna út hvernig fækka/fjölga eigi jafnt í umferð, teljið fjölda lykkja í umferð (t.d. 122 lykkjur), mínus kanta að framan (t.d. 2 lykkjur) og deilið þessum lykkjufjölda með fjölda útaukninga sem á að gera (t.d. 12) = 10. Í þessu dæmi er aukið út með því að slá 1 sinni uppá prjóninn á eftir 10. hverja lykkju. Í næstu umferð er uppslátturinn prjónaður snúinn slétt svo ekki myndist gat. Ef fækka á lykkjum er 9. og 10. hver lykkja prjónuð slétt saman. ÚTAUKNING-2 (á við um op fyrir þumal): Aukið út fyrir þumal hvoru megin við lykkju með prjónamerki í þannig: Byrjið strax á undan lykkju með prjónamerki í, sláið 1 sinni uppá prjóninn, prjónið 1 lykkju slétt (= lykkja með prjónamerki í), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn slétt svo ekki myndist gat. Haldið svona áfram með útaukningu, en í næsta skipti sem aukið er út, er slegið 1 sinni uppá prjóninn hvoru megin við útauknar lykkjur frá fyrri útaukningu, þ.e.a.s. það verða 2 lykkjur fleiri á milli uppsláttar í hvert skipti sem aukið er út. MOSAIK MYNSTUR: Sjá mynsturteikningu A.1 (hálsskjól) og A.2 (vettlingar) og lesið útskýringu á aðferðinni að neðan. Hver rönd í mynsturteikningu jafngildir 2 umferðum. Þ.e.a.s. frá réttu er mynsturteikning prjónuð frá hægi til vinstri og frá röngu er sama röð prjónuð frá vinstri til hægri. Í öllum umferðum frá réttu er þræðinum haldið aftan við stykkið (þ.e.a.s. frá röngu á stykki) þegar lykkjur er lyft af prjóni. Í öllum umferðum frá röngu er þræðinum haldið framan við stykkið (þ.e.a.s. að þér og ennþá frá röngu á stykki) þegar lykkju er lyft af prjóni. Passið uppá að herða ekki á þráðum á bakhlið á stykki. Til þess að fá betri yfirsýn yfir mynstur er hægt að setja eitt prjónamerki á milli hverra mynstureininga með A.1B/A.2B. A.1A/A.2A = Byrjunar lykkja frá réttu og enda lykkja frá röngu (það á að prjóna lykkjuna). A.1B/A.2B = 1 mynstureining. A.1C/A.2C = Enda lykkja frá réttu og byrjunar lykkja frá röngu (það á að prjóna lykkjuna). Í röð sem er alveg einlit í mynsturteikningu eru prjónaðar 2 umferðir garðaprjón fram og til baka yfir allar lykkjur án þess að lyfta nokkrum lykkjum af prjóni. Í fyrstu mynsturröð í A.1 og A.2 sem er með auða rúðu í A.1A/A.2A og A.1C/A.2C (litur A – röð er merkt með stjörnu í A.1A/A.2A), eiga allar lykkjur með lit A að prjónast slétt og allar lykkjur með lit C er lyft af prjóni. Í öðrum mynsturröðum sem hafa auða rúðu eða rúðu með stjörnu í A.1A/A.2A og A.1C/A.2C (lit A eða C), eiga allar lykkjur með lit A eða C að prjónast slétt og allar lykkjur með lit B er lyft af prjóni. Í hverri mynsturröð sem hefur svarta rúðu í A.1A/A.2A og A.1C/A.2C (litur B), eiga allar lykkjur með lit B að prjónast slétt og allar lykkjur með lit A eða C er lyft af prjóni. ------------------------------------------------------- BYRJIÐ Á STYKKI HÉR: ------------------------------------------------------- HÁLSSKJÓL – STUTT ÚTSKÝRING Á STYKKI: Stykkið er prjónað fram og til baka á hringprjón, ofan frá og niður og saumað saman í lokin. Fyrst er prjónaður kantur efst, síðan er prjónað mosaik mynstur. Mikilvægt er að fylgja mynsturteikningu vel. Allt litamynstrið er prjónað í garðaprjóni, en ekki er prjónað mynstur í venjulegar lykkjur í garðaprjóni. Litamynstur er fengið með því að lyfta lykkjum af prjóni. Sjá útskýringu á mosaik mynstri áður en byrjað er að prjóna! HÁLSSKJÓL: Fitjið upp 128-140 lykkjur á hringprjón 2,5 með litnum bleikfjólublár. Prjónið 2 umferðir GARÐAPRJÓN – sjá útskýringu að ofan. Prjónið síðan þannig: UMFERÐ 1 (rétta): Prjónið slétt yfir allar lykkjur. UMFERÐ 2 (ranga): 1 lykkja slétt, * 1 lykkja brugðið, 2 lykkjur slétt *, prjónið frá *-* þar til eftir eru 2 lykkjur á prjóni, prjónið 1 lykkju brugðið og endið með 1 lykkju slétt. Endurtakið umferð 1 og 2 þar til stykkið mælist 3 cm frá uppfitjunarkanti. Skiptið yfir á hringprjón 3,5 og prjónið MOSAIK MYNSTUR – sjá útskýringu að ofan. Þ.e.a.s. A.1A er prjónað yfir fyrstu lykkju, A.1B er endurtakið þar til 1 lykkja er eftir á prjóni (= 21-23 mynstureiningar með 6 lykkjum), endið með A.1C yfir síðustu lykkju. Haldið svona áfram með mynstur, en munið eftir að 1 röð í mynsturteikningu = 2 umferðir. ATHUGIÐ PRJÓNFESTUNA! JAFNFRAMT í hverri röð merktri með ör í A.1B er aukið út jafnt yfir eins og útskýrt er að neðan – sjá ÚTAUKNING/ÚRTAKA. Í röð merktri með ör-1 er aukið út um 18-24 lykkjur jafnt yfir = 146-164 lykkjur (nú er pláss fyrir 24-27 mynstureiningar A.1B með 6 lykkjum). Í röð merktri með ör-2 er aukið út um 18-18 lykkjur jafnt yfir = 164-182 lykkjur. Í umferð merktri með ör-3 er aukið út um 18-18 lykkjur jafnt yfir = 182-200 lykkjur. Í röð merktri með ör-4 er aukið út um 12-14 lykkjur jafnt yfir = 194-214 lykkjur. Þegar A.1 hefur verið prjónað til loka er prjónað garðaprjón jafnt yfir = 194-214 lykkjur. Þegar A.1 hefur verið prjónað til loka er prjónað garðaprjón fram og til baka yfir allar lykkjur með perlugrár þar til stykkið mælist 26-28 cm. JAFNFRAMT í síðustu umferð frá réttu er aukið út um 18-19 lykkjur jafnt yfir = 212-233 lykkjur. Skiptið yfir á hringprjón 2,5 og prjónið þannig: UMFERÐ 1 (rétta): Prjónið slétt yfir allar lykkjur. UMFERÐ 2 (ranga): 1 lykkja slétt, * 1 lykkja brugðið, 2 lykkjur slétt *, prjónið frá *-* þar til 1 lykkja er eftir á prjóni og endið með 1 lykkju slétt. Endurtakið umferð 1 og 2 þar til kanturinn mælist 3 cm. Prjónið 4 umferðir garðaprjón fram og til baka yfir allar lykkjur. Skiptið yfir á hringprjón 4,5 og fellið laust af með sléttum lykkjum frá réttu. Hálsskjólið mælist ca 30-32 cm ofan frá og niður. FRÁGANGUR: Saumið stykkið saman í hlið innan við 1 kantlykkju í garðaprjóni í hvorri hlið. ------------------------------------------------------- VETTLINGAR - STUTT ÚTSKÝRING Á STYKKI: Vettlingarnir eru prjónaðir fram og til baka á hringprjón, neðan frá og upp og saumaðir saman í hlið í lokin. Fyrst er prjónaður kantur neðst. Síðan er prjónað mosaik mynstur, áður en haldið er áfram í garðaprjóni með litnum perlugrár. Mikilvægt er að fylgja mynsturteikningu vel. Allt litamynstrið er prjónað í garðaprjóni, en ekki er prjónað mynstur í venjulegar lykkjur í garðaprjóni. Litamynstur er fengið með því að lyfta lykkjum af prjóni. Sjá útskýringu á mosaik mynstri áður en byrjað er að prjóna! Þumlar eru prjónaðir í hring á sokkaprjóna. HÆGRI VETTLINGUR: Fitjið upp 48-51 lykkjur á hringprjón 2,5 með litnum bleikfjólublár. Prjónið 2 umferðir GARÐAPRJÓN – sjá útskýringu að ofan. Prjónið síðan þannig: UMFERÐ 1 (rétta): Prjónið slétt yfir allar lykkjur. UMFERÐ 2 (ranga): 1 lykkja slétt, * 1 lykkja brugðið, 2 lykkjur slétt *, prjónið frá *-* þar til 2 lykkjur eru eftir á prjóni, prjónið 1 lykkju brugðna og endið með 1 lykkju slétt. Endurtakið umferð 1 og 2 þar til stykkið mælist 3 cm í báðum stærðum. Skiptið yfir á hringprjón 3 og prjónið 2 umferðir garðaprjón með litnum bleikfjólublár þar sem fækkað er um 2-1 lykkjur jafnt yfir í fyrstu umferð = 46-50 lykkjur í umferð. Prjónið síðan MOSAIK MYNSTUR – sjá útskýringu að ofan. Þ.e.a.s. A.2A er prjónað yfir fyrstu lykkju, A.2B er endurtekið þar til eftir er 1 lykkja á prjóni (= 11 mynstureiningar A.2B með 4 lykkjum), endið með A.2C yfir síðustu lykkju. Haldið svona áfram með mynstur, en munið eftir að 1 röð í mynsturteikningu = 2 umferðir. ATHUGIÐ PRJÓNFESTUNA! Þegar A.2 hefur verið prjónað til loka er prjónað garðaprjón fram og til baka yfir allar lykkjur með litnum perlugrár – JAFNFRAMT í fyrstu umferð frá réttu eftir A.2 er fækkað um 2-4 lykkjur jafnt yfir – sjá ÚTAUKNING/ÚRTAKA = 44-46 lykkjur. Þegar stykkið mælist 9-10 cm er sett 1 prjónamerki í 23.-24. lykkju í umferð (frá réttu). Í næstu umferð frá réttu er aukið út fyrir op fyrir þumal hvoru megin við lykkju með prjónamerki í – sjá ÚTAUKNING (= 2 lykkjur fleiri). Aukið svona út í 4. hverri umferð (þ.e.a.s. í annarri hverri umferð frá réttu) alls 7-8 sinnum = 58-62 lykkjur. Prjónið síðan áfram þar til stykkið mælist 15½-16½ cm. Setjið nú 15-17 þumal lykkjur á þráð. Í næstu umferð er fitjuð upp 1 ný lykkja aftan við þumallykkjur = 44-46 lykkjur í umferð. Prjónið síðan áfram þar til stykkið mælist 23-24 cm. Í næstu umferð frá réttu er fækkað um 4 lykkjur jafnt yfir = 40-42 lykkjur. Prjónið 3 umferðir slétt. Í næstu umferð er fækkað um 4 lykkjur jafnt yfir = 36-38 lykkjur. Endurtakið úrtöku með 4 lykkjum í annarri hverri umferð (þ.e.a.s. í hverri umferð frá réttu) alls 7 sinnum = 12-14 lykkjur eftir á prjóni. Prjónið 1 umferð slétt. Í næstu umferð eru allar lykkjur prjónaðar slétt saman 2 og 2 = 6-7 lykkjur eftir á prjóni. Klippið frá. Þræðið þráðinn í gegnum þær lykkjur sem eftir eru, herðið á þræði og festið vel. Vettlingurinn mælist ca 26-27 cm ofan frá og niður. ÞUMALL: Deilið 15-17 lykkjum af þræði á sokkaprjón 3 og prjónið að auki upp 2 lykkjur í kanti á bakhlið á þumallykkjum = 17-19 lykkjur. Prjónið GARÐAPRJÓN hringinn á sokkaprjóna – sjá útskýringu að ofan. Þegar þumallinn mælist 5½-6 cm prjónið allar lykkjur slétt saman 2 og 2 = 9-10 lykkjur. Prjónið 1 umferð án úrtöku. Í næstu umferð eru allar lykkjur prjónaðar slétt saman 2 og 2 = 5-5 lykkjur. Klippið frá. Þræðið þráðinn í gegnum þær lykkjur sem eftir eru, herðið á þræði og festið vel. Þumallinn mælist ca 5½-6 cm ofan frá og niður. FRÁGANGUR: Saumið vettlinginn saman í hlið – saumið kant í kant í ystu lykkjubogana þannig að saumurinn verði flatur. VINSTRI VETTLINGUR: Fitjið upp 48-51 lykkjur á hringprjón 2,5 með litnum bleikfjólublár. Prjónið 2 umferðir GARÐAPRJÓN – sjá útskýringu að ofan. Prjónið síðan þannig: UMFERÐ 1 (rétta): Prjónið slétt yfir allar lykkjur. UMFERÐ 2 (ranga): 1 lykkja slétt, * 1 lykkja brugðið, 2 lykkjur slétt *, prjónið frá *-* þar til 2 lykkjur eru eftir á prjóni, prjónið 1 lykkju brugðna og endið með 1 lykkju slétt. Endurtakið umferð 1 og 2 þar til stykkið mælist 3 cm í báðum stærðum. Skiptið yfir á hringprjón 3 og prjónið 2 umferðir garðaprjón með litnum bleikfjólublár þar sem fækkað er um 2-1 lykkjur jafnt yfir í fyrstu umferð = 46-50 lykkjur í umferð. Prjónið síðan MOSAIK MYNSTUR – sjá útskýringu að ofan. Þ.e.a.s. A.2A er prjónað yfir fyrstu lykkju, A.2B er endurtekið þar til eftir er 1 lykkja á prjóni (= 11 mynstureiningar A.2B með 4 lykkjum), endið með A.2C yfir síðustu lykkju. Haldið svona áfram með mynstur, en munið eftir að 1 röð í mynsturteikningu = 2 umferðir. ATHUGIÐ PRJÓNFESTUNA! Þegar A.2 hefur verið prjónað til loka er prjónað garðaprjón fram og til baka yfir allar lykkjur með litnum perlugrár – JAFNFRAMT í fyrstu umferð frá réttu eftir A.2 er fækkað um 2-4 lykkjur jafnt yfir – sjá ÚTAUKNING/ÚRTAKA = 44-46 lykkjur. Þegar stykkið mælist 9-10 cm er sett 1 prjónamerki í 21.-22. lykkju í umferð (frá réttu). Í næstu umferð frá réttu er aukið út fyrir op fyrir þumal hvoru megin við lykkju með prjónamerki í – sjá ÚTAUKNING (= 2 lykkjur fleiri). Aukið svona út í 4. hverri umferð (þ.e.a.s. í annarri hverri umferð frá réttu) alls 7-8 sinnum = 58-62 lykkjur. Prjónið síðan áfram þar til stykkið mælist 15½-16½ cm. Setjið nú 15-17 þumal lykkjur á 1 band. Í næstu umferð er fitjuð upp 1 ný lykkja aftan við þumal lykkjur = 44-46 lykkjur í umferð. Prjónið síðan áfram þar til stykkið mælist 23-24 cm. Í næstu umferð frá réttu er fækkað um 4 lykkjur jafnt yfir = 40-42 lykkjur. Prjónið 3 umferðir slétt. Í næstu umferð er fækkað um 4 lykkjur jafnt yfir = 36-38 lykkjur. Endurtakið úrtöku með 4 lykkjum í annarri hverri umferð (þ.e.a.s. í hverri umferð frá réttu) alls 7 sinnum = 12-14 lykkjur eftir á prjóni. Prjónið 1 umferð slétt. Í næstu umferð eru allar lykkjur prjónaðar slétt saman 2 og 2 = 6-7 lykkjur eftir á prjóni. Klippið frá. Þræðið þráðinn í gegnum þær lykkjur sem eftir eru, herðið á þráði og festið vel. Vettlingurinn mælist ca 26-27 cm ofan frá og niður. Prjónið þumal á sama hátt og á hægri vettlingi. |
||||||||||||||||
Skýringar á teikningu |
||||||||||||||||
|
||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (7)
Kellie Meade wrote:
When knitting the yarn over on the wrong side, it there supposed to be a hole after knitting it? Or am I supposed to knit like it is a twisted yarn over? Thanks very much.
07.02.2021 - 02:34DROPS Design answered:
Dear Mrs Meade, yarn overs are worked knitted twisted to avoid holes. Happy knitting!
08.02.2021 - 11:35Kellie Meade wrote:
When working the mosaic pattern, is the wrong side a knit row following the mosaic pattern?
30.11.2020 - 13:24DROPS Design answered:
Dear Mrs Meade, from WS work all rows in garter stitch as shown in the diagram (= read now diagram from the left towards the right) holding yarn in front of piece (i.e. towards you and still on wrong side of piece) when slipping a stitch. Make sure that the yarn is not too tight on wrong side of piece. See also that video. Happy knitting!
30.11.2020 - 16:11Gingras Suzanne wrote:
Bonjour POUR LE PATRON DROPS design: Modèle n°-019 \r\nHINT OF HEATHER SET\r\nJe voudrai avoir des explications supplémentaires entre les lignes 9, 10, 11 pour le changement de couleur du diagramme A1B
17.01.2019 - 21:21DROPS Design answered:
Bonjour Mme Gingras, les rangs 9 et 10 se tricotent en coloris A, seules les mailles indiquées en coloris A sont tricotées, les autres sont glissées. Au rang 10, vous tricotez en coloris B et glissez les mailles représentées en coloris A dans le diagramme. Bon tricot!
18.01.2019 - 08:54Gingras Suzanne wrote:
Bonjour POUR LE PATRON DROPS design: Modèle n°-019 \r\nHINT OF HEATHER SET\r\nJe voudrai avoir des explications supplémentaires entre les lignes 9, 10, 11 pour le changement de couleur du diagramme A1B
17.01.2019 - 21:15Irmgard wrote:
Brauche dringend die Anleitung zu diesem Modell!!!Danke
10.08.2018 - 15:06Ilse wrote:
Würde gern dieses Modell Stricken, kann aber die Anleitung nicht aufmachen! Was soll ich tun? Danke
23.07.2018 - 17:45Ilse wrote:
Würde gern dieses Modell Stricken, kann aber die Anleitung nicht aufmachen! Hab keinen passenden Namen gefunden! Danke
23.07.2018 - 17:20