Spring Iris |
|||||||||||||
|
|
||||||||||||
Prjónuð peysa úr DROPS Melody. Stykkið er prjónað ofan frá og niður með evrópskri öxl / skáhallandi öxl, V-hálsmáli og I-cord. Stærð XS - XXL.
DROPS 250-39 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu. ÚTAUKNING-1 (frá réttu): Aukið út um 1 lykkju til vinstri: Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð slétt í aftari lykkjubogann. Aukið út um 1 lykkju til hægri: Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð slétt í fremri lykkjubogann. ÚTAUKNING-2 (frá röngu): Aukið út um 1 lykkju til vinstri: Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð brugðið í fremri lykkjubogann. Aukið út um 1 lykkju til hægri: Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð brugðið í aftari lykkjubogann. ÚRTAKA (á við um mitt undir ermum): Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, prjónið 2 lykkjur slétt (merkiþráðurinn situr á milli þessa 2 lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. I-CORD AFFELLING: UMFERÐ 1 (rétta): Prjónið 2 lykkjur slétt, prjónið 2 næstu lykkjur snúnar slétt saman. UMFERÐ 2 (rétta): Lyftið til baka 3 lykkjum frá hægri prjóni yfir á vinstri prjón, prjónið 2 lykkjur slétt, prjónið 2 næstu lykkjur snúnar slétt saman. Endurtakið UMFERÐ 2 þar til 3 lykkjur eru eftir á hægri prjóni. Lyftið til baka 3 lykkjum af hægri prjóni yfir á vinstri prjón. Fellið af. Saumið lítið spor sem bindur saman byrjun og lok á I-cord við stykkið. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Í mynstrinu hafa verið notaðir stuttir og langir prjónar, byrjið á lengdinni sem passar og skiptið um ef þarf. Stykkið er fyrst prjónað fram og til baka. Byrjið á að fitja upp lykkjur aftan í hnakka. Síðan er bakstykkið prjónað niður á við, jafnframt því sem aukið er út í hvorri hlið á stykki þar til fjöldi lykkja á axlavídd hefur verið náð. Bakstykkið hefur fengið litla skáhallandi öxl. Prjónið síðan niður að handvegi. Bakstykkið er látið bíða á meðan framstykkið er prjónað. Framstykkið er prjónað fyrst í 2 hlutum. Byrjað er að prjóna upp lykkjur meðfram hægri öxl, prjónið samtímis sem aukið er út við hálsmál. Endurtakið á vinstri öxl. Hægra og vinstra framstykki er sett saman þegar útaukningu fyrir hálsmáli er lokið. Síðan er framstykkið prjónað niður að handvegi. Framstykkið og bakstykkið er sett inn á sama prjón og fram- og bakstykkið er prjónað niður á við í hring á hringprjóna, áður en stykkið skiptist fyrir klauf. Lykkjur eru prjónaðar upp fyrir ermar í kringum handveginn. Fyrst er prjónað fram og til baka með stuttum umferðum til að forma ermakúpu. Síðan eru ermar prjónaðar niður á við í hring. BAKSTYKKI: Fitjið upp 24-24-26-28-28-30 lykkjur á hringprjón 7 með DROPS Melody. Prjónið 1 umferð brugðið frá röngu. Lesið ÚTAUKNING-1 og prjónið næstu umferð frá réttu þannig: 3 lykkjur slétt, aukið út til vinstri, prjónið slétt þar til 3 lykkjur eru eftir, aukið út til hægri, 3 lykkjur slétt. Lesið ÚTAUKNING-2 og prjónið næstu umferð frá röngu þannig: 3 lykkjur brugðið, aukið út til vinstri, prjónið brugðið þar til 3 lykkjur eru eftir, aukið út til hægri, 3 lykkjur brugðið. Haldið svona áfram og aukið út á sama hátt bæði frá réttu og frá röngu alls 18-20-20-22-24-26 sinnum. ATHUGIÐ PRJÓNFESTUNA! Á eftir síðustu útaukningu eru 60-64-66-72-76-82 lykkjur í umferð. Setjið 1 merki yst í hlið. Héðan er nú stykkið mælt! Prjónið sléttprjón fram og til baka þar til stykkið mælist 11-12-12-13-12-13 cm, mælt frá merki yst meðfram handvegi. Prjónið næstu umferð frá réttu þannig: 3 lykkjur slétt, aukið út til vinstri, prjónið þar til 3 lykkjur eru eftir, aukið út til hægri, 3 lykkjur slétt – munið eftir ÚTAUKNING-1. Aukið svona út í hverri umferð frá réttu alls 2-2-3-3-4-4 sinnum = 64-68-72-78-84-90 lykkjur. Prjónið síðan þar til stykkið mælist 14-15-16-17-17-18 cm, mælt frá merki yst meðfram handvegi. Klippið þráðinn, setjið lykkjur á þráð eða á hjálparprjón og prjónið framstykkið eins og útskýrt er að neðan. FRAMSTYKKI: Byrjið með hægri öxl (séð þegar flíkin er mátuð): Prjónið upp 18-20-20-22-24-26 lykkjur innan við ystu lykkju meðfram hægri öxl á bakstykki (þ.e.a.s. prjónið upp 1 lykkju í hverja umferð frá kanti efst á bakstykki, sjá E í teikningu með máli). Öll mál á lengdina eru gerð héðan! Prjónið 1 umferð brugðið frá röngu, næsta umferð er prjónuð frá réttu þannig: sléttprjón þar til 4 lykkjur eru eftir, prjónið A.1. Þegar stykkið mælist 6 cm, aukið út lykkjur við hálsmál. Aukið út til hægri í lok hverrar umferðar frá réttu, aukið er út á undan A.1 – munið eftir hálsmáli. Aukið út til hægri í lok hverrar umferðar frá réttu, aukið er út á undan A.1 – munið eftir ÚTAUKNING-1. Aukið út 1 lykkju í annarri hverri umferð (hverri umferð frá réttu) alls 12-12-13-14-14-15 sinnum = 30-32-33-36-38-41 lykkjur. Endið með umferð frá réttu, setjið lykkjur á þráð eða á hjálparprjón. Prjónið síðan vinstri öxl eins og útskýrt er að neðan. Prjónið upp 18-20-20-22-24-26 lykkjur innan við ystu lykkju meðfram vinstri öxl á bakstykki (þ.e.a.s. prjónið upp 1 lykkju í hverja umferð frá kanti efst á bakstykki, sjá D í teikningu með máli). Öll mál á lengdina eru gerð héðan! Prjónið 1 umferð brugðið frá röngu, síðan er prjónað frá réttu þannig: A.2, sléttprjón yfir þær lykkjur sem eftir eru. Haldið svona áfram. Þegar stykkið mælist 6 cm, aukið út lykkjur við hálsmál. Aukið út til vinstri í byrjun hverrar umferðar frá réttu, aukið er út á eftir A.2 – munið eftir ÚTAUKNING-1. Aukið út 1 lykkju í annarri hverri umferð (hverri umferð frá réttu) alls 12-12-13-14-14-15 sinnum = 30-32-33-36-38-41 lykkjur. Endið með umferð frá réttu. Næsta umferð er prjónuð frá röngu þannig: Prjónið sléttprjón yfir 30-32-33-36-38-41 lykkjur frá vinstri öxl, setjið lykkjur frá hægri öxl á vinstri prjón og prjónið þær síðan í sléttprjóni = 60-64-66-72-76-82 lykkjur. Næsta umferð er prjónuð þannig – frá réttu: Prjónið 28-30-31-34-36-39 lykkjur slétt, setjið 2 næstu lykkjur á kaðlaprjón framan við stykkið, prjónið 2 lykkjur slétt, prjónið lykkjur af kaðlaprjóni slétt, prjónið síðustu 28-30-31-34-36-39 lykkjur í umferð. Haldið áfram í sléttprjóni. Prjónið síðan þar til stykkið mælist 22-23-22-23-24-25 cm. Prjónið næstu umferð frá réttu þannig: 3 lykkjur slétt, aukið út til vinstri, prjónið þar til 3 lykkjur eru eftir, aukið út til hægri, 3 lykkjur slétt – munið eftir ÚTAUKNING-1. Aukið svona út í hverri umferð frá réttu alls 2-2-3-3-4-4 sinnum = 64-68-72-78-84-90 lykkjur. Haldið áfram í sléttprjóni þar til stykkið mælist 24-25-26-27-29-30 cm. Nú er framstykkið og bakstykkið sett saman fyrir fram- og bakstykki eins og útskýrt er að neðan. FRAM- OG BAKSTYKKI: Prjónið sléttprjón yfir 64-68-72-78-84-90 lykkjur frá framstykki, fitjið upp 4-4-6-6-8-10 nýjar lykkjur í lok þessarar umferðar (í hlið undir ermi), prjónið sléttprjón yfir 64-68-72-78-84-90 lykkjur frá bakstykki, fitjið upp 4-4-6-6-8-10 nýjar lykkjur í lok umferðar (í hlið undir ermi) = 136-144-156-168-184-200 lykkjur. Prjónið sléttprjón hringinn þar til stykkið mælist 49-51-53-55-57-59 cm, mælt frá efsta punkti á öxl á framstykki. Setjið 68-72-78-84-92-100 lykkjur frá framstykki á þráð eða á hjálparprjón og prjónið síðan einungis yfir lykkjur frá framstykki. FRAMSTYKKI: Prjónið 1 umferð frá réttu þar sem aukið er út um 20-20-22-24-24-28 lykkjur jafnt yfir = 88-92-100-108-116-128 lykkjur. Skiptið yfir á hringprjón 5,5. Næsta umferð er prjónuð frá röngu þannig: 1 kantlykkja í GARÐAPRJÓN – lesið útskýringu að ofan, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir, prjónið 2 lykkjur brugðið og 1 kantlykkja í garðaprjóni. Haldið svona áfram með stroff í 7 cm. Fellið af. Peysan mælist ca 56-58-60-62-64-66 cm frá efsta punkti á öxl. BAKSTYKKI: Setjið lykkjur á hringprjón 7. Prjónið á sama hátt og á framstykki. ERMAR: Leggið stykkið flatt og setjið 1 merki efst í handveg (ATH! Ekki þar sem lykkjur voru prjónaðar upp fyrir framstykki, heldur ca 5-6 cm niður á framstykki = mitt ofan á öxl). Öll mál á lengdina eru gerð héðan! Notið hringprjón 7, byrjið mitt í nýjum lykkjum sem fitjaðar voru upp undir ermi og prjónið upp 54-56-60-64-68-72 lykkjur í kringum handveg – passið uppá að prjónaðar séu upp jafn margar lykkjur meðfram handvegi hvoru megin við merki. Nú er prjónað sléttprjón fram og til baka með stuttum umferðum yfir ermakúpu, þetta er gert til að ermin passi betur og fái betra form. Byrjið mitt undir ermi. Umferð 1 (rétta): Prjónið slétt 7-7-7-8-8-9 lykkjur fram hjá merki, snúið stykki. Umferð 2 (ranga): Prjónið brugðið 7-7-7-8-8-9 lykkjur fram hjá merki, snúið. Umferð 3 (rétta): Prjónið slétt 6-6-4-5-4-4 lykkjur fram hjá þar sem snúið var við í fyrra skipti, snúið. Umferð 4 (ranga): Prjónið brugðið 6-6-4-5-4-4 lykkjur fram hjá þar sem snúið var við í fyrra skipti, snúið. Endurtakið 3. og 4. umferð þar til prjónaðar hafa verið 25-25-23-28-28-29 lykkjur fram hjá merki mitt ofan á ermi (nú hefur verið snúið við 4-4-5-5-6-6 sinnum í hvorri hlið). Prjónið frá réttu að byrjun á umferð (mitt undir ermi). Setjið 1 merkiþráð hér, það á að nota merkiþráðinn þegar lykkjum er fækkað undir ermi. Látið merkiþráðinn fylgja áfram með í stykkinu. Prjónið síðan í hring í sléttprjóni yfir allar lykkjur. Þegar ermin mælist 7-7-8-8-10-10 cm, fækkið um 2 lykkjur mitt undir ermi – lesið ÚRTAKA. Fækkið lykkjum svona í annarri hverri umferð 2-2-3-3-4-4 sinnum, síðan er lykkjum fækkað í hverjum 5-5-4-3½-3-3 cm 5-5-5-6-6-6 sinnum, fækkið alls 7-7-8-9-10-10 sinnum = 40-42-44-46-48-52 lykkjur. Prjónið síðan þar til ermin mælist 51-50-50-49-49-47 cm. Í lok umferðar og eftir að síðasta lykkja í umferð hefur verið prjónuð: Fitjið upp 3 nýjar lykkjur á hægri prjón frá réttu. Lyftið 3 nýju lykkjunum af hægri prjóni yfir á vinstri prjón þannig að þráðurinn sem prjóna á með sitjið 3 lykkjum inn á vinstri prjóni (þegar prjónað er þá herðir þráðurinn á stykkinu, þannig að það myndist lítill hólkur). Fellið af með I-CORD – lesið útskýringu að ofan. Ermin mælist ca 52-51-51-50-50-48 cm. KANTUR Í HÁLSMÁLI AÐ AFTAN: Notið hringprjón 7 og fitjið upp 2 lykkjur á prjóninn, prjónið síðan upp lykkjur meðfram kanti í hálsmáli að aftan, byrjið við aðra axlalínuna frá réttu og prjónið upp innan við 1 lykkju að hinni axlalínunni. Prjónið upp ca 22-22-24-26-26-28 lykkjur. Klippið þráðinn. Byrjið í hinni hliðinni þar sem lykkjur voru fitjaðar upp og fellt var af með I-CORD – lesið útskýringu að ofan. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (6)
Rose wrote:
Bonjour, serait il possible de mettre un symbole sur le dessin du patron pour indiquer le repère pour le marqueur des manches ( 5 à 6 cm en descendant le long du devant) merci
24.05.2024 - 11:55DROPS Design answered:
Bonjour Rose, posez simplement le pull à plat, les côtes du bas du dos/devant bien en face les unes des autres, la ligne des épaules va se former automatiquement, le rang des épaules va se trouver automatiquement côté dos - vous pourrez voir comment placer ce marqueur dans cette vidéo et / ou dans cette leçon. Bon tricot!
24.05.2024 - 13:31Laura wrote:
Minkä paksuisilla puikoilla testikappale neulotaan?
10.05.2024 - 08:33DROPS Design answered:
Mallitilkku neulotaan puikoilla nro 7. Vaihda tarvittaessa ohuempiin/paksumpiin puikkoihin.
10.05.2024 - 12:04Else Merete Thyness wrote:
Fin
04.03.2024 - 09:28Claudia wrote:
Bellissimo!
22.01.2024 - 07:20Irene wrote:
Luce
19.01.2024 - 14:14Pia wrote:
Spring cloud
18.01.2024 - 22:21