Sunset & Sand |
||||||||||
|
|
|||||||||
Prjónuð peysa úr 2 þráðum DROPS Brushed Alpaca Silk. Stykkið er prjónað ofan frá og niður í sléttprjóni, með evrópskri öxl / skáhallandi öxl og röndum. Stærð S - XXXL.
DROPS 245-16 |
||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ÚTAUKNING FRÁ RÉTTU: AUKIÐ ÚT TIL VINSTRI Á EFTIR PRJÓNAMERKI: Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð slétt í aftari lykkjubogann. AUKIÐ ÚT TIL HÆGRI Á UNDAN PRJÓNAMERKI: Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð slétt í fremri lykkjubogann. ÚTAUKNING FRÁ RÖNGU: AUKIÐ ÚT TIL VINSTRI Á EFTIR PRJÓNAMERKI: Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að aftan og lykkjan er prjónuð brugðið í fremri lykkjubogann. AUKIÐ ÚT TIL HÆGRI Á UNDAN PRJÓNAMERKI: Notið vinstri prjón til að taka upp þráðinn á milli 2 lykkja frá umferðinni að neðan, þráðurinn er tekinn upp að framan og lykkjan er prjónuð brugðið í aftari lykkjubogann. RENDUR FRAM- OG BAKSTYKKI: Rendur eru prjónaðar þannig: * Prjónið með litnum ljós beige í 6 cm, prjónið með litnum kórall í 6 cm *, prjónið frá *-* alls 3 sinnum. Haldið áfram með litinn kórall að loknu máli. RENDUR ERMI: Rendur eru prjónaðar þannig: Prjónið með litnum kórall í 10 cm, prjónið með litnum ljós beige í 6 cm, prjónið með litnum kórall í 6 cm, prjónið með litnum ljós beige í 6 cm. Haldið áfram með litinn kórall að loknu máli. ÚRTAKA (á við um miðju undir ermum): Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, prjónið 2 lykkjur slétt (merkiþráðurinn situr á milli þessa 2 lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Efsti hlutinn á bakstykki er prjónaður fram og til baka á hringprjóna, ofan frá og niður að handvegi. Síðan eru lykkjur prjónaðar upp meðfram hvorri öxl, aukið er út fyrir hálsmáli og framstykkið er prjónað fram og til baka á hringprjóna, ofan frá og niður að handvegi. Framstykkið og bakstykkið er sett saman. Fram- og bakstykkið er prjónað í hring á hringprjón. Lykkjur eru prjónaðar upp í kringum hvorn handveginn. Ermar eru fyrst prjónaðar fram og til baka, síðan í hring á sokkaprjóna / stuttan hringprjón. Að lokum er prjónaður kantur í hálsmáli í hring. BAKSTYKKI: Fitjið upp 26-26-28-30-30-30 lykkjur á hringprjón 7 með 2 þráðum DROPS Brushed Alpaca Silk í litnum kórall. Prjónið 1 umferð brugðið frá röngu. Setjið 1 prjónamerki innan við 3 ystu lykkjur í hvorri hlið. Prjónamerkin eiga að sitja innan við ystu 3 lykkjur í hverri umferð. Nú er prjónað sléttprjón fram og til baka. JAFNFRAMT er aukið út á EFTIR prjónamerki í byrjun á umferð (séð frá réttu) og á UNDAN prjónamerki í lok umferðar – sjá ÚTAUKNING FRÁ RÉTTU. Í næstu umferð (ranga) er aukið út alveg eins – sjá ÚTAUKNING FRÁ RÖNGU. Haldið svona áfram og aukið alveg eins út bæði frá réttu og frá röngu alls 18-20-22-22-24-28 sinnum. Eftir síðustu útaukningu eru 62-66-72-74-78-86 lykkjur í umferð. Héðan er nú stykkið mælt! Þegar stykkið mælist 4-5-5-6-7-7 cm, prjónið RENDUR FRAM- OG BAKSTYKKI – lesið útskýringu að ofan. Haldið áfram með sléttprjón fram og til baka og rendur þar til stykkið mælist 14-15-15-16-17-17 cm, mælt meðfram handvegi. ATHUGIÐ PRJÓNFESTUNA! Klippið þráðinn, setjið lykkjur á þráð eða á hjálparprjón og prjónið framstykkið eins og útskýrt er að neðan. FRAMSTYKKI: Byrjið við vinstri öxl (séð þegar flíkin er mátuð). Prjónið upp 18-20-22-22-24-28 lykkjur með 2 þráðum í litnum kórall innan við ystu lykkju meðfram vinstri öxl á bakstykki (þ.e.a.s. það er prjónuð upp 1 lykkja í hverja umferð frá kanti efst á bakstykki). Prjónið sléttprjón fram og til baka. Þegar stykkið mælist 6 cm frá þar sem lykkjur voru prjónaðar upp, aukið út lykkjur við hálsmál. Aukið út í byrjun á umferð frá réttu eins og útskýrt er að ofan, það er aukið út á eftir 3 lykkjum (einungis er aukið út frá réttu). Aukið út um 1 lykkju alls 4 sinnum = 22-24-26-26-28-32 lykkjur. Prjónið 1 umferð frá röngu. Klippið þráðinn, setjið lykkjur á þráð eða á hjálparprjón. Prjónið síðan hægri öxl eins og útskýrt er að neðan. Prjónið upp 18-20-22-22-24-28 lykkjur innan við ystu lykkju meðfram hægri öxl á bakstykki. Prjónið sléttprjón fram og til baka. Þegar stykkið mælist 6 cm frá þar sem lykkjur voru prjónaðar upp, aukið út lykkjur við hálsmál. Aukið út í lok hverrar umferðar frá réttu eins og útskýrt er að ofan, aukið er út á undan 3 lykkjum (einungis er aukið út frá réttu). Aukið út um 1 lykkju í alls 4 sinnum = 22-24-26-26-28-32 lykkjur. Á eftir síðustu útaukningu er prjónað til baka frá röngu. Næsta umferð er prjónuð frá réttu þannig: Prjónið sléttprjón yfir 22-24-26-26-28-32 lykkjur frá hægra framstykki, fitjið upp 18-18-20-22-22-22 lykkjur fyrir hálsmáli í lok þessarar umferðar, prjónið sléttprjón eins og áður yfir 22-24-26-26-28-32 lykkjur frá vinstra framstykki = 62-66-72-74-78-86 lykkjur. Prjónið sléttprjón fram og til baka þar til stykkið mælist 14-15-17-18-19-21 cm. Nú eru prjónaðar RENDUR FRAM- OG BAKSTYKKI – lesið útskýringu að ofan. Haldið áfram þar til stykkið mælist 24-25-27-28-29-31 cm, mælt yst meðfram handvegi, endið með umferð frá röngu. Nú er framstykkið og bakstykkið sett saman fyrir fram- og bakstykki eins og útskýrt er að neðan. FRAM- OG BAKSTYKKI: Prjónið 62-66-72-74-78-86 lykkjur frá framstykki, fitjið upp 4-4-4-8-12-12 nýjar lykkjur í lok umferðar (í hlið), prjónið sléttprjón yfir 62-66-72-74-78-86 lykkjur frá bakstykki, fitjið upp 4-4-4-8-12-12 nýjar lykkjur í lok umferðar = 132-140-152-164-180-196 lykkjur. Prjónið sléttprjón hringinn og haldið áfram með rendur þar til stykkið mælist 50-52-54-56-58-60 cm, mælt frá efsta punkti á öxl á framstykki. Nú skiptist framstykkið og bakstykkið, þannig að það myndast klauf í hliðum. Setjið 66-70-76-82-90-98 lykkjur frá bakstykki á þráð eða á hjálparprjón og prjónið síðan einungis yfir lykkjur frá framstykki. FRAMSTYKKI: Skiptið yfir á hringprjón 5. Prjónið 1 umferð slétt frá réttu þar sem aukið er út um 14-14-16-14-14-14 lykkjur jafnt yfir = 80-84-92-96-104-112 lykkjur. Prjónið næstu umferð frá röngu: 1 lykkja í GARÐAPRJÓN – lesið útskýringu að ofan, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir, prjónið 2 lykkjur brugðið og 1 lykkju í garðaprjóni. Haldið svona áfram með stroff í 10 cm. Fellið af. Peysan mælist ca 60-62-64-66-68-70 cm, mælt frá efsta punkti á öxl á framstykki. BAKSTYKKI: Setjið lykkjur af þræði á hringprjón 5. Prjónið á sama hátt og á framstykki. VINSTRI ERMI: Notið hringprjón 4 og 2 þræði í litnum kórall og prjónið upp frá réttu 29-30-32-34-35-37 lykkjur frá botni á handvegi upp að öxl (meðfram framstykki) og 17-18-18-20-21-21 lykkjur frá öxl og niður að botni á handvegi í hinni hliðinni (meðfram bakstykki) = 46-48-50-54-56-58 lykkjur meðfram handvegi. Setjið 1 prjónamerki mitt í umferð – ermin er núna mæld frá þessu prjónamerki. Prjónið RENDUR ERMI – lesið útskýringu að ofan. Prjónið sléttprjón fram og til baka þar til ermin mælist 2-2-2-3-5-6 cm frá prjónamerki. Nú er stykkið sett saman á stuttan hringprjón eða sokkaprjóna 7 – afgangur af ermi er prjónaður í hring. Setjið 1 merkiþráð í byrjun umferðar (mitt undir ermi). Látið merkiþráðinn fylgja með í stykkinu. Byrjið umferð við merkiþráðinn og prjónið sléttprjón. Þegar ermin mælist 4-4-4-4-5-7 cm er fækkað um 2 lykkjur mitt undir ermi – lesið ÚRTAKA. Fækkið lykkjum svona með 8-8-8-6-6-5½ cm millibili alls 4-4-4-5-5-5 sinnum = 38-40-42-44-46-48 lykkjur. Prjónið áfram þar til ermin mælist 36-35-34-34-34-33 cm frá prjónamerki. Það eru eftir ca 10 cm að loka máli. Mátið e.t.v. peysuna og prjónið að óskaðri lengd fyrir stroff. Prjónið 1 umferð slétt þar sem aukið er út um 6-8-6-8-6-8 lykkjur jafnt yfir = 44-48-48-52-52-56 lykkjur. Skiptið yfir á sokkaprjóna 5. Prjónið stroffprjón (2 lykkjur slétt, 2 lykkjur brugðið) í 10 cm. Fellið af aðeins laust. Ermin mælist ca 46-45-44-44-44-43 cm frá prjónamerki. Prjónið hina ermina á sama hátt, en prjónið upp lykkjur gagnstætt við fyrri ermi, þ.e.a.s. prjónið upp 17-18-18-20-21-21 lykkjur frá botni á handvegi upp að öxl (meðfram bakstykki) og 29-30-32-34-35-37 lykkjur frá öxl og niður að botni á handvegi í hinni hliðinni (meðfram framstykki). Saumið botninn á handvegi – sjá teikningu. KANTUR Í HÁLSMÁLI: Byrjið við aðra axlalínuna og prjónið upp frá réttu innan við 1 kantlykkju ca 68 til 80 lykkjur í kringum hálsmál á stuttan hringprjón 5 með 2 þráðum í litnum kórall. Lykkjufjöldinn verður að vera deilanlegur með 4. Prjónið stroffprjón hringinn (2 lykkjur slétt, 2 lykkjur brugðið) í 10 cm. Fellið af aðeins laust. |
||||||||||
Skýringar á teikningu |
||||||||||
|
||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (12)
Be wrote:
Hello, I am at the point of joining the front and back pieces and start working the body in the round. My question is does the front piece need to measure 27cm before or after finishing on ws and starting the join round on the right side. My pieces are now parallel (worked 1 sripe + 5 rows of main color) and I'm afraid if I add two rows of main color before joining the stripes won't be facing. Thanks for your help!
12.12.2023 - 13:45Be answered:
Sorry, you can delete my previous question, I figured it out.
12.12.2023 - 14:06Laura Bergonzoni wrote:
Buongiorno io non uso i ferri circolari. Ho trovato dei bellissimi modelli di maglioni nel vostro sito ma non so come farli visto che usate solo ferri circolari. Non è possibile avere dei modelli con istruzioni e indicazioni per l'utilizzo dei ferri normali? Non capisco perchè utilizzate solo modelli per ferri circolari. grazie e fatemi sapere.
21.11.2023 - 10:06DROPS Design answered:
Buonasera Laura, la maggior parte dei modelli DROPS prevede l'uso di ferri circolari perchè al di fuori dell'Italia si lavora con i ferri circolari. Sul nostro sito può trovare comunque tantissimi modelli lavorati in piano che può tranquillamente lavorare con i ferri normali. Buon lavoro!
22.11.2023 - 18:01Iris wrote:
Schöne Farbcombi
06.08.2023 - 13:35Andrea wrote:
Just cozy
06.08.2023 - 10:19Cornelia wrote:
Stripey love
04.08.2023 - 23:50Margret wrote:
Featherweight
04.08.2023 - 19:03Natacha wrote:
Christmas candy
03.08.2023 - 23:16Małgorzata wrote:
Cozy pleasure 😁
03.08.2023 - 18:39Małgorzata wrote:
Cozy pleaser 😁
03.08.2023 - 18:37Petra wrote:
Cozy memories
03.08.2023 - 16:48